प्रचन्डको जीवनशैली एशियाकै सवैभन्दा उच्च : द टेलिग्राफ

प्रचन्डको जीवनशैली एशियाकै
सवैभन्दा उच्च : द टेलिग्राफ

एकिकृत नेकपा माओवादीका अध्यक्ष पुष्पकमल दाहालले
एशियाकै धनाढ्यको जीवनशैली अपनाइरहेको समाचार
विश्व कै चर्चित् सञ्चार माध्यम बेलायतको टेलिग्राफ पत्रिकाले छापेको थियो ।
लामो अध्ययन, अनुसन्धान र प्रमाणपछि उक्त पत्रकाले यो तथ्य
खुलासा गरेका थिए । यसबाट एमाओवादी अध्यक्ष
प्रचण्डमाथि लागेको अरबौं रुपैयाँ भ्रष्टाचार तथा बिलासिताको आरोपमात्र
पुष्टि भएको छ । दि टेलिग्राफले
प्रचण्डको जीवनशैली खरबपतिको जस्तो भन्दै
विशेष आलेख नै छापेको थियो ।
उनको जीवनशैलीका बारेमा पार्टीभित्रै
पनि पटक पटक प्रश्न उठेपछि छानबिन समिति समेत बनेको थियो ।
टेलिग्राफमा डीन नेल्सनले लेखेका छन्, ‘पुष्पकमल दाहाल
प्रचण्ड, जो कुनै समय नेपालका राजनीतिक र
फौजी सम्भ्रान्तहरूको मुटुमा ढ्यांग्रो ठोक्ने हैसियत राख्थे
अहिले तिनै नेता खरबपतिका जस्तो शाही खानदानी
जीवनशैली अपनाइरहेका छन् ।
काठमाडौंको लाजिम्पाटमा रहेको रातो ईंटाको बिलासी घरमा
उनी बस्छन्, जहाँ उनका छिमेकी बनेका छन् उनकै
पूर्व वर्ग शत्रु जनरल शान्तकुमार मल्ल । अवकाशप्राप्त जनरल मल्ल
पूर्वराजा वीरेन्द्रका सैन्य सल्लाहकार हुन् । प्रचण्ड बस्ने
घरको कम्पाउण्डभित्र १५ वटा स्वीट रुम, अफिस र पारिवारिक
आवासगृह मात्र छैन दशवटा कार अट्ने पार्किङ छ ।
त्यहीँभित्र ब्याडमिन्टन कोर्ट पनि छ । परिवारका अनुसार
त्यो भवन प्रतिमहिना आठसय डलरमा भाडामा लिइएको छ । जुन रकम
नेपालीहरूको औसत मासिक कमाई २ सय डलरको चौबर हो ।’
यद्यपि त्यो भवन प्रचण्डले किनिसकेको बताइएको छ ।
त्यस्तै एमाओवादी पार्टीकी नेतृ
हिसिला यमी नेपालकै सबैभन्दा भ्रष्ट महिला भएको समाचार
पनि सार्वजनिक भएको छ । यी समाचार नेपालका संचारमाध्यमले
वा एमाओवादी बिरोधीहरूले प्रवाह गरेका होइनन् ।
विश्वकै चर्चित र तथ्यमा आधारित समाचार तथा बिचार प्रवाह गर्ने चर्चित
अमेरिकी अखवार न्युयोर्क टाइम्स र बेलायतको टेलिग्राफ
पत्रिकाले लामो अध्ययन, अनुसन्धान र प्रमाणपछि यो तथ्य
खुलासा गरेका हुन् ।
यसबाट एमाओवादी अध्यक्ष
प्रचण्डमाथि लागेको अरबौं रुपैयाँ भ्रष्टाचार तथा बिलासिताको आरोपमात्र
पुष्टि भएको छैन, बाबुराम भट्टराई
पत्नी हिसिला यमी दक्षिण एशियाकै भ्रष्ट
महिलाको सूचीमा चढेको चर्चाले पनि सत्यता पाएको छ ।
करीव एक साताको नेपाल बसाइ र बिभिन्न
व्यक्ति तथा संस्थासँगको छलफल तथा अध्ययनपछि न्युयोर्क
टाइम्सका संवाददाताले हिसिला यमी नेपालकै भ्रष्ट
महिलामा परेको प्रष्ट पारेको छ । न्युयोर्क टाम्इसका गार्डिनर ह्यारिसले हालै
नेपाल सन्दर्भमा लेखेको विश्लेषणमूलक
समाचारमा हिसिला यमी स्वयंले आफू नेपालकै भ्रष्ट
महिला भएको आरोप लागेको र जनतालाई खण्डन
गर्दा पनि नपत्याएको स्वीकार गरेकी छन् ।
उनले विगतमा आफूहरूले धम्क्याएर, लुटेर
तथा जबर्जस्ती गरेर पैसा उठाएको भएपनि अहिले
त्यो अवस्था नरहेको र आफूहरूले
पैसा नउठाएको दावी गरेकी छन् ।
नेपालकी पूर्व प्रथम
महिला हिसिला यमीमाथि दक्षिण एशियाकै भ्रष्ट महिलाको आरोप
लागिरहेको सन्दर्भमा न्युयोर्क टाइम्सले उनैलाई सोधेको रहेछ ।
यमी भन्छिन् ‘तपाईहरूले अखबरहरू हेर्नुभयो होला,
मान्छेहरूसँग कुरा गर्नुभयो होला मलाई नेपालकै भ्रष्ट महिला भन्छन् ।
मैले त्यसो होइन भनेर जनतालाई भन्दा पनि उनीहरू
पत्याउँदैनन्’। त्यसो त यमीलाई काठमाडौं ७ का मतदाताले भोट
माग्न जाने क्रममा भ्रष्टाचारी भनेर दुत्कारेपछि उनले कान
समातेर माफी समेत मागेको फोटो नै सार्वजनिक भएको छ ।
हिसिला यमीले आफू मन्त्री हँुदा भन्दा पति बाबुराम
भट्टराई प्रधानमन्त्री हुँदा करोडौं रकम जम्मा गरेको आरोप
लाग्ने गरेको छ । प्रहरी हवल्दार सरुवा गर्दा समेत घुस
लिएकोदेखि प्रहरीका ठूला हाकिमको सरुवा बढुवामा करोडसम्म
असुलेको आरोप उनीमाथि छ । त्यतिमात्र होइन बिभिन्न
संस्थानका हाकिम नियुक्तिमा पनि उनले लाखौं रुपैयाँ असुलेको र
पैसा बिना कार्यकर्ताको कामसमेत नभएको भनेर त्यतिबेलै
एमाओवादीमा चर्को कुरा उठेको थियो ।
यही बिषयलाई न्युयोर्क टाइम्सले
पनि अनुन्सधानको दायरामा राखेको थियो । हालै
केही नेपाली संचारमाध्यमले हिसिलालाई दक्षिण
एशियाकै भ्रष्ट
महिलाको सूचीमा राखेपछि उनको चर्चा चुलिएको हो । तर
हिसिलाको स्पष्टीकरण भने यस्तो रहेछ ‘मान्छेहरू मलाई
भ्रष्ट भन्छन्, मसँग करोडौं रुपैयाँ छ, कार र बंगला छन् भनेर सोच्छन् ।
मैले मेरो पति प्रधानमन्त्री हुँदा सघाएकी हुँ तर
मान्छेहरूले पैसा उठाई भने ।’